నువ్వెవరో...?

నిశి రాతిరి చంద్రమా నను దోచిన అందమా
కోవెల్లో దీపమా కావ్యంలో భావమా
కొమ్మ చాటు పుష్పమా కడలిలోని ముత్యమా
తేటగీతి పద్యమా తేనెలో మకరందమా
విరజాజి పుష్పమా వెన్నెలంటి వర్ణమా
పుడమిలోని సంద్రమా పురివిప్పిన మయూరమా
కడలిలోని కెరటమా కదిలేటి శిల్పమా
తెల్లవారు కమలమా తెలుగింటి అందమా
నిన్న రాతిరి స్వప్నమా నా మదిలోని రూపమా!
-రమేష్

ఎవరివో...???

తొలకరి జల్లులోని తన్మయత్వానివో
తొలిపొద్దు వేళలో తామర పువ్వువో
గోదారి అలలపై నర్తిస్తున్న యెంకివో
గున్నమావి కొమ్మలపై కూసె కోయిలవో
చిరుజల్లులో చిందులు వేసె మయూరానివో
చిరుదీపమై వెలుగును పంచె తారకవో
ఎల్లోర శిల్పాలలోని అందానివో
ఎదనుదోచె మృదు మంజరి నాదానివో
సప్త వర్ణాలను నింపుకున్న హరివిల్లువో
సప్త స్వరాలను పలికె వేణువువొ
ఎవరివో......నువ్వెవరివో...
నిన్న రాతిరి స్వప్నానివో
నా మదిని దోచిన అందానివో!!
-రమేష్

నా పరిస్థితి

రెక్కలు విప్పిన మనసును రెచ్చగొట్టాను
ప్రేమనె ఇంధనం నింపి పక్షిని చేశాను
ఆకాశానికి అర్రులు చాచాను
అందమైన భవితను అణగదొక్కాను
ఊహల లోకంలో ఊయలూగాను
ఈదురు గాలిలో ఊకనయ్యాను
ఆకశంలో తారననుకున్నాను
అనంతంలో బిందువయ్యను
కడలి సంగతి మరిచి పోయాను
కూపస్త మాండుకమై మిగిలిపోయాను
దిక్కులన్ని తిరిగి బిక్కపోయాను
దిక్కు తోచక నేడు మిగిలిపోయాను
కమ్మివేసిన మబ్బుల్ని తేల్చివేశాను
కన్నీటితో నేడు మిగిలిఉన్నాను
-రమేష్