ఎవరివో...???

తొలకరి జల్లులోని తన్మయత్వానివో
తొలిపొద్దు వేళలో తామర పువ్వువో
గోదారి అలలపై నర్తిస్తున్న యెంకివో
గున్నమావి కొమ్మలపై కూసె కోయిలవో
చిరుజల్లులో చిందులు వేసె మయూరానివో
చిరుదీపమై వెలుగును పంచె తారకవో
ఎల్లోర శిల్పాలలోని అందానివో
ఎదనుదోచె మృదు మంజరి నాదానివో
సప్త వర్ణాలను నింపుకున్న హరివిల్లువో
సప్త స్వరాలను పలికె వేణువువొ
ఎవరివో......నువ్వెవరివో...
నిన్న రాతిరి స్వప్నానివో
నా మదిని దోచిన అందానివో!!
-రమేష్