వృద్ధులు

చావుకేమొ చేరువై
కన్నబిడ్డలకు భారమై
వారి ప్రేమకు దూరమై
కుములుతాము వృద్ధులై

వారి మనసులు క్రూరమై
తరిమేస్తె మూర్ఖులై
బుక్కడంత కూడుకై
అలమటిస్తిమి ఆకలై

కుక్క నాడు చేరువై
వారితో పాటు పెద్దదై
నమ్మకానికి రూపమై
చెంతనుంది ఆప్తుడై

బిడ్డలని పెంచడమే పాపమై
భిక్షాటన మాకు మార్గమై
బ్రతుకే మాకు భారమై
బాధపడితిమి ఒంటరై

కంటిచూపు పలచనై
కర్ర మాకు సాయమై
నడిపించును నేస్తమై
అవసానంలో ఆప్తుడై

నేడు మాకు చీకటై
రేపు మాకు శూన్యమై
మనుగడే మాకు కష్టమై
అలమటిస్తిమి సేదకై

కన్నబిడ్డల ప్రేమకై
వారి పిల్లల పిలుపుకై
ఆదరించే చేతికై
ఆశపడితిమి ఒంటరై

-రమేష్

లక్ష్యం

ఆటంకం కాదేది నీ లక్ష్య సాధనకు
అచంచల ధీక్షతో సాగు ముందుకు!
వరించు విజయం నిన్నే....జయించు లోకం నువ్వే!
ఆపలేదు ఏ ఓటమి నీ అద్భుత విజయాన్ని
అర చేతిని అడ్డుపెట్టి ఆపగలరా సూర్యకాంతి?
కావెన్నడు పరిస్థితులు ప్రతికూలం నీకు
కాకి గూట్లో పుట్టిన కోకిల స్వరం మారునా?
పట్టుదలగా ప్రయత్నిస్తే పరాజయం కలుగునా
ప్రయత్నించి తేలేదా భగీరథుడు గంగని
కష్టపడితే కలగదా కమ్మని విజయం నీకు
కాలేద కఠిన శిల సుందర శిల్పం?
-రమేష్

నాలో సగం...

 
నా అడుగులో అడుగై
నా తోడు నీడవై
నా ఆత్మ బంధువయ్యావు

నా కథకి మూలమై
నా కవితకి ప్రేరణై
నా కలలకి రూపమయ్యావు

నా కంటి పాపవై
నా ఇంటి దీపమై
నా ముంగిట్లో ముగ్గైనావు

నా శ్వాసలో శ్వాసవై
నా ప్రాణానికి ప్రాణమై
నా గుండెలో కొలువున్నావు

నా జీవన జ్యోతివై
నా జీవిత గమ్యమై
నాలో సగమై నువ్వున్నావు
-రమేష్

మేఘ సందేశం

తారల్లో వెదికాను తన రూపు కోసమని
జాబిలినడిగాను తన జాడ కోసమని
క్షణాలే యుగాలై గడుస్తున్నాయని
అనుక్షణం తనకోసం తపిస్తున్నానని
ఆశగా ఆమెకై వేచియున్నానని
ఆర్తిగా తనకోసం అలమటిస్తున్నానని
కలల్లో ఆమెనే కలువరిస్తున్నానని 
కనుల్లో ఆ రూపే కొలువుంచానని
నిమిషమైన ఇక నే వేగలేనని
నిరీక్షిస్తు తనకై వేసారనని
నీరు లేని చేపనై కుశించానని
మేఘమా చెప్పవా ఈ కబురు తనకు
జాలితో నా బాధ తెలుపు తనతో
-రమేష్

నువ్వు...

 

ఎద సాగరాన కదిలె అలవు నువ్వు
మది మందిరాన వెలిసిన దేవత నువ్వు
వీనుల తంత్రుల మీటిన వీణవి నువ్వు
స్వర మురళిన పలికిన రాగం నువ్వు
గుండె గుడిలో వెలిగే దీపం నువ్వు
కనుల క్షేత్రాన కదిలే పాపవి నువ్వు
మనో నేత్రాన మెదిలిన రూపం నువ్వు

-రమేష్

భారతీయులం...

తెలివిలేక నాడు మేము
తెల్లవాడికి భానిసయ్యాం
కన్న భూమిని చెరనబెట్టి
కునుకు తీస్తు కూర్చున్నాం
తెల్లవాడికి తొత్తులమై
తల్లి సొత్తును తరలించాం
తెల్లవాడు తంతుంటే
తిరగభాటు నేర్చుకున్నాం
తప్పదని తెల్లోడికెదురుగ
తిరుగుభాటు మొదలు పెట్టాం
తేరుకుని చూసెలోపే
తెల్లవాడికి దోచిపెట్టాం
బిడ్డలందరం ఒక్కటైనాం
భరతమాతే కావలన్నాం
తెల్లవాడిని తరిమికొట్ట
తిప్పలెన్నో మేముపడ్డాం
గడప వీడి పోకముందే
గొడవ పడి వీడిపోయాం
పరాయోడిని పారధ్రోలి
పారతంత్ర్యం మేమొదిలాం
పారతంత్ర్యం వదిలి మేము
పాపతంత్ర్యం పయనమయ్యాం
కటిక చీకటి దారినొదలి
కాళరాత్రి వైపు మల్లాం
పేదరికం పెంచుకుంటు
పసివాడి తీరుగ అడుగులేసాం
మధ్యలో యుద్ధాల పేరుతొ
మా నడ్దిని విరుచుకున్నాం
మానవత్వం మరిచిపోయాం
మావారిని దూరముంచాం
కులం మతం పేరుచెప్పి
కయ్యాలని పెంచుకున్నాం
మాలొమేము తన్నుకుంటు
మూర్ఖులుగా మిగిలున్నాం
రౌడీలమే రాజులుగా
రాజ్యమేలుట మొదలెట్టాం
అక్రమాలకు ఆనవాలై
అవినీతికి నెలువయ్యాం
అప్పులేమొ పెంచుకుంటూ
అభివృద్ధిని జపం చేసాం
సంస్కరణల పేరుతోటి
చావు దెబ్బ మేముతిన్నాం
పల్లెటూలని కాళరాస్తు
పట్టణాలని ముస్తాబు చేశాం
జనాభాని పెంచుకుంటు
జగతిలోనా ద్వితియగున్నాం
తల్లి భారతి ప్రగతికేమో
తల కొరివి మేముపెట్టాం
-రమేష్

ప్రత్తి రైతు

చెర్నాకోల చేతి నుంది
చద్దిమూట భుజానుంది
చిక్కిపోయి దేహముంది
చావుకల మొహానుంది

బీడుపడి పొలముంది
బిక్కమొహం రైతుకుంది
బ్రతుకు భారమయ్యింది
భాదేమొ పెరిగింది

మబ్బుపట్టి మేఘముంది
మంచు గాలి తాకింది
మబ్బు కరిగి పొయింది
మంచి వాన కురిసింది

రైతు మనసు మురిసింది
రాత్రి నిద్ర పట్టింది
రేయి గడిచి పొయింది
రేపటెలుగు వచ్చింది

హలం తను కదిలింది
హోరెత్తి దున్నింది
హడావిడె పెరిగింది
హాయితొ పుడమి మురుసింది

ప్రత్తి మొలకెత్తింది
పరువు నిలుపుతానంది
పచ్చగానె పైరుంది
పంటమీదె ఆశుంది

చినుకు కరువాయింది
చిన్న బావి ఎండింది
చేను వాడి పోయింది
చింతేమొ మిగిలింది

ఆడ పిల్ల ఎదిగింది
అమ్మేమొ మూల్గుతుంది
అయ్య చేసినప్పుంది
అప్పేమొ పెరుగుతుంది

పరువు పేచి పెట్టింది
పిల్ల పెళ్ళి ముందరుంది
పైసకూడ పుట్టకుంది
పుట్టెడంత భాదుంది

పైరుకేమొ పురుగుంది
పంట చేతి కందనంది
పురుగు మందు చెంత నుంది
ప్రత్తి రైతు శవముంది
-రమేష్

నీ తోడుగా....

నా తోడె నువ్వంట
నీ నీడే నేనంట
నీ వెంటే నేనుంట
ఏ జన్మకు వీడనంట
మొదలు గాని ఏ తంట
లెక్కచేయ నేనంట
నా ప్రెమే నిజమంట
నీ చెంతే నేనుంట
నా ప్రాణం నువ్వంట
ఈ బంధం వీడనంట
మ్రోగిన ఆ గుడి గంట
మన ప్రేమకు సాక్షంట
కలకాలం తొడుంట
కౌగిలిలో కొలువుంట
పండాలి కలల పంట
కావలి మనం జంట
-రమేష్

నువ్వు లేక....

నిను విడిచి ఉండగలన ఒక నిమిశమైన
నీ జతను వీడగలన ఏ జన్మకైన
నిను చూడకుండ నేను రెప్ప వేయగలన
నీ ఊసు లేక నేను శ్వాస తీయగలన
నిను మరవలేను నేను మరల జన్మకైన
నీ తోడు వీడిపొను వేయి జన్మలైన
నిను చేరలేక నేను నిమిశముండగలన
నీ చెలిమి లేక నేను చావు కోరుకోన
-రమేష్

నువ్వెవరో...?

నిశి రాతిరి చంద్రమా నను దోచిన అందమా
కోవెల్లో దీపమా కావ్యంలో భావమా
కొమ్మ చాటు పుష్పమా కడలిలోని ముత్యమా
తేటగీతి పద్యమా తేనెలో మకరందమా
విరజాజి పుష్పమా వెన్నెలంటి వర్ణమా
పుడమిలోని సంద్రమా పురివిప్పిన మయూరమా
కడలిలోని కెరటమా కదిలేటి శిల్పమా
తెల్లవారు కమలమా తెలుగింటి అందమా
నిన్న రాతిరి స్వప్నమా నా మదిలోని రూపమా!
-రమేష్